Атырауда қала құрылысы басқармасы басшысының орынбасары ұсталды

Атырауда қала құрылысы басқармасы басшысының орынбасары Талғат Бисен ұсталды. 33 жастағы басшыны ҰҚК облыс бойынша департаментінің қызметкерлері ұстады, деп хабарлайды Orda.kz. 

Мердігер ұйымның басшысынан пара алды деп күдікке ілінген шенеунік әкімдік ғимаратының алдында қолға түсті. Оның үстінен тиісті бап бойынша қылмыстық іс қозғалды. Ақша берген ЖШС басшысы «пара беру» бабы бойынша тергеледі. Компанияның кеңсесінде және әкімдікте тінту шаралары жүргізілді.

Жағдайды адвокат Тілек Хамитов түсіндірді. Ол Атырау қаласындағы ЖШС кеңсесінде тінту жүргізіліп жатқанын, алайда күдіктілерді қорғау туралы куәлігі мен хабарламасы болса да, адвокатты ішке қарай жібермегенін мәлімдеді.

Адвокат Бас прокуратураға және Республикалық адвокаттар алқасына өтініш жібергенін айтты.

Айта кетейік, Көкшетауда көпбалалы отбасының балалары балабақшадағы тегін тамақтанудан қағылды.