Атырау вокзалында такси жүргізушісі жолаушыны пышақтап тастады

Атырау қаласындағы теміржол вокзалында қалааралық такси жүргізушісі мен жолаушы арасында жанжал шықты, деп хабарлайды Orda.kz Ақ Жайық басылымына сілтеме жасап.

Оқиға 28 наурыз күні болған. Алдын ала мәлімет бойынша, ер адамдар сөзге келіп, кейін төбелесе жөнелген. Жанжал барысында жүргізуші жолаушыға пышақ сұққан. Зардап шеккен адам ауруханаға жеткізілген.

Полиция департаментінің мәліметінше, «Бұзақылық» бабы бойынша қылмыстық іс қозғалған. Күдікті ұсталып, уақытша ұстау изоляторына қамалды.

Қазіргі уақытта оқиғаның барлық мән-жайы анықталып жатыр.

Оқи отырыңыз:

• Күдікті әйелі мен енесі: Алматы облысында жеті баланың әкесіне 30-дан астам пышақ жарақатын салған
• Ресейдің Усть-Луга портында төбелеске қатысы жоқ қазақстандық жұмысшыларды да күшпен ұстап жатыр
• Павлодарда студент өзін пышақтап тастады