Атырау әкімінің орынбасары мен коммуналдық кәсіпорын басшысының орынбасары тергеуге ілікті

Ұлттық қауіпсіздік комитеті Атырау қаласы әкімінің орынбасары мен «Тұрғын үйлерге қалалық коммуналдық қызмет көрсету» ЖШС бас директорының орынбасарына қатысты сотқа дейінгі тергеу жүргізіліп жатқанын растады, деп хабарлайды Orda.kz.

Еске салайық, бұған дейін Атырау қаласы әкімінің орынбасары Мейіржан Мұқасов пен коммуналдық кәсіпорын басшысының орынбасары Бейбіт Мағзұмовтың ұсталғаны туралы ақпарат тараған болатын. 

Сондай-ақ, Атырау қаласының әкімі Шәкір Кейкіннің ҰҚК департаментіне түсініктеме беру үшін шақырылғаны хабарланын жазған едік.

Кейінірек адвокат Нұрлан Жолболов қала әкімі мен оның орынбасары қылмыстық іс аясында жауап алынғанын мәлімдеді.

«Сотқа дейінгі тергеу жүргізіліп жатыр. Өзге ақпарат жария етуге жатпайды»,  деп хабарлады ҰҚК.

Еске сала кетейік, бұған дейін, Атырау облысы бойынша ҰҚК департаментінің сыбайлас жемқорлыққа қарсы қызметі Атырау қаласының әкімі Шәкір Кейкінді облыс әкімдігінің ғимаратынан, жиын басталар алдында жауап алуға алып кеткені туралы ақпарат түскен еді. Кейін дереккөздердің мәліметінше, ол үйіне жіберілген.

Осы ақпараттан кейін адвокат Нұрлан Жолболов мәлімдеме жасап, Атырау қаласының әкімі де, оның орынбасары да қылмыстық іс бойынша өтіп жатқанын, алайда олардың ұсталғаны туралы ақпарат шындыққа сәйкес келмейтінін айтқан еді.

Оқи отырыңыз:

Әл-Фарабидегі жол апаты: Куәгерлердің бәрі Пактың ішімдік ішкенін көрмегенін айтты

Үстіртте сирек кездесетін барыс фототұзаққа түсті