Астанаға аяз бет алды: құтқарушылар қала тұрғындарына үндеу жасады

Синоптиктер елордада ауа температурасы күрт төмендеп, −25–27 °C-қа дейін жететінін болжауда.

22 желтоқсанға қараған түні Астанада ауа температурасы −25–27 °C аязға дейін төмендейді. Осыған байланысты құтқарушылар астаналықтарға үндеу жасап, қыс мезгіліндегі қауіпсіздік шараларын еске салды, деп хабарлайды қала әкімдігі.

Астана қаласының Төтенше жағдайлар департаменті қолайсыз ауа райы жағдайында тұрғындарға сақтық шараларын қатаң сақтауды, дауылды ескертулерді мұқият қадағалауды және мүмкіндігінше алыс сапарлардан бас тартуды ұсынады.

Дауылды ескертулер, ауа райының нашарлауы, сондай-ақ қала аумағындағы автомобиль жолдарының жабылуы туралы ақпаратты SMS-хабарламалар, интернет-ресурстар және әлеуметтік желілер арқылы бақылап отыруға кеңес берілді.

Сонымен қатар құтқарушылар қыс мезгілінде мұздың әлі толық қатып үлгермегенін ескертіп, мұз үстіне шығудың қауіпті екеніне назарын аударып, су айдындарында қауіпсіздік ережелерін сақтауға шақырады.

Сондай-ақ жеке тұрғын үй секторында өрт қауіпсіздігі талаптарын қатаң сақтау қажет. Төтенше жағдай туындаған жағдайда 112 нөміріне хабарласыңыздар.

Ең қызығы Сауд Арабия сахарасына да атап айтқанда елдің бірнеше өңірлерінде - солтүстік-батыста және елдің орталығында, оның ішінде таулы аймақ пен тіпті шөлді жерлерге де қар жауды.