Астанада жеті тұрғын үй кешені жарықсыз қалды

Бұған қосалқы станцияда жанып кеткен кабель себеп болды, деп хабарлайды Orda.kz.

 22 қарашаға қараған түні Астана қаласының ТЖД Сығанақ көшесіндегі қосалқы станциялардың бірінде кабель өртенгенін хабарлады. Өрт жедел сөндірілді.

 Сонымен қатар, Астана тұрғындарының бір бөлігі жарықсыз қалды. «Астана-РЭК» компаниясы болған төтенше жағдайды «Тұран» қосалқы станциясындағы  түнгі сағат бірге жуық «технологиялық бұзушылықтар» болғанымен түсіндірді. Осының салдарынан трансформаторлық станциялардың бірі өшірілді. «Орданың» бұл жайттың өртке қатысы бар ма, деген сұрағына компания:

 «Қазір қосалқы станцияда оқшаулау жүріп, аумақ тазалануда. Ол аяқталғаннан кейін болған оқиғаның себептері түсінікті болады» деп түсініктеме берді құзыретті мекеме.

Әзірге елорданың бір бөлігі жарықсыз қалып отыр. «Астана-РЭК» мәліметінше, жеті ТК-де электр жарығы жоқ: 

«Зеленый квартал» ТК

«Аура» ТК

«Асыл Мура» ТК

«Freedom» ТК

«GreenLine. Headliner Exclusive 1»

ЖК «GreenLine Astra»

«GreenLine. Flora»

«РП -217 электрмен жабдықтауды қалпына келтіру жұмыстары жүргізілуде. Жедел-көшпелі қызметтің үш бригадасы, Есіл РЭҚ бригадасы, сынау және диагностика қызметтері және кабельдік желілер қызметтері айналысып жатыр» деп түсіндірме берді «Астана-РЭК».    

 Өткен аптада Алматыда екі рет жарық өшірілді. Біріншісі - 13 қарашада, кабельдің сынуынан Алатау ауданының бірнеше шағын ауданы жарықсыз қалды. Ол жердегі электрмен жабдықтау кейіннен толығымен қалпына келтірілді. Екінші рет 17 қарашада жарық өшті, оның  себебі Сайран көлінің жанған қосалқы станциясынан деген мәлімет берілді.