Қатты жарылыс дыбысы естілді: Сайран маңында трансформатор өртенді

Алматы қаласының тұрғындары, әсіресе Сайран көлінің маңында тұратындар, кешкі уақытта қатты тарс еткен дыбыс естілгенін айтады. Дыбыс естілген соң бірден жарық сөнген. Әлеуметтік желілерде куәгерлер оқиғаны қызу талқылап, бірнеше үйде жарықтың бір мезетте өшкенін жазып жатыр, деп хабарлайды Orda.kz 

Төтенше жағдайлар департаменті бұл оқиғаға байланысты түсініктеме берді: 

«Электр желілеріне жауапты компания қызметкерлері станцияны тоқтан ажырату жұмыстарына кірісті. Өрт сөндірушілер нысанның техникалық ерекшеліктерін ескеріп, қауіпсіздік талаптарын сақтай отырып, жұмыс істеуде»,  деп хабарлады төтенше жағдайлар департаменті.

Оқиға болған аумақ қоршауға алынды. Мамандар жағдайды толық бақылауда ұстап отыр. Жарықтың қашан толық қалпына келетіні әзірге белгісіз.