Астанада жас қыз көпірден секіріп кетті

Астанада Сарыарқа ауданындағы Атырау көпірінен секірген жас қызды құтқарушылар өзеннен шығарып, дәрігерлерге тапсырды, деп хабарлайды Orda.kz.

Құтқару қызметінің мәліметінше, оқиға таңертең тіркелген. Оқиға орнына жедел-құтқару жасағы мен Төтенше жағдайлар министрлігінің медицина орталығының мамандары жеткен.

«Құтқарушылар қызды судан шығарып, әрі қарай ем алу үшін 103 бригадасына тапсырды» деп жазылған ведомство хабарламасында.

Еске сала кетсек, бұған дейін Астанада Агротехникалық университеттің 18 жастағы студенті көпірден секіріп, қаза тапқан еді. Ол екінші курста оқитын. Полиция қылмыстық кодекстің «өз-өзіне қол жұмсауға итермелеу» бабымен іс қозғады. Университет өкілдері студенттің өліміне қатысты пікір білдіруден бас тартты.