Аграрлық университеттің 2-курс студенті көпірден секіріп қайтыс болды

Сәкен Сейфуллин атындағы Қазақ агротехникалық зерттеу университетінің (ҚазАТЗУ) 2-курс студенті көпірден секіріп, өз-өзіне қол жұмсады, деп хабарлайды Orda.kz.

Астана қалалық департаментінің мәліметінше, 18 жастағы студенттің өліміне қатысты тексеру жұмыстары жүріп жатыр.

«Суицид фактісі бойынша сотқа дейінгі тергеу басталды. Алдын ала мәлімет бойынша, 18 жастағы елорда тұрғыны көпірден секірген. Қазіргі уақытта оқиғаның барлық мән-жайы анықталып, тексеру жүргізіліп жатыр», деп жауап берді Астана қалалық полиция департаменті Orda.kz сауалына. 

Университет өкілдері студенттің өлімі туралы пікір беруден бас тартты.

Еске сала кетейік, Әл-Фараби атындағы Қазақ ұлттық университетінің екінші курс студенті өз-өзіне қол жұмсады. Дереккөздің мәліметінше, ол Биология және биотехнология факультеті «Нейроғылым» мамандығы бойынша оқыған. Қарағандыдан Алматыға келіп, №14 жатақханада тұрған.