Астанада төрт жасөспірім жеті жасар баланы қорлады

Кәмелетке толмаған баланың жеке басына қарсы қылмыс туралы #NEMOLCHIKZ қоры хабарлады.

Оқиға 17 сәуірде астаналық джиу-джитсу жаттығу залдарының бірінің киім ауыстыратын бөлмесінде болған. 12-13 жастағы төрт бала жеті жасар балаға қатысты сексуалдық сипаттағы әрекет жасаған. Жасөспірімдер шешініп, шаптарын баланың бетіне үйкелеген.

Бала жаттығудан жылап келді, бұл туралы ата-анасына айтты. Олар дереу полиция шақырып, қылмыс орнына барған.

«Астана полициясы бұл балалар және әрі бұл жай ғана балалар ойыны деп есептеп, ешқандай тергеу шараларын жүргізген жоқ. Бұл «балалар ойындары» жас баланың жыныстық қол сұғылмауына қарсы қылмыс деп аталады. Осындай тіркелмеген қылмыстық құқық бұзушылықтардың қаншасы жасөспірімдер жасайды? Бізге шынайы статистиканы кім береді?» делінген жазбада.

Қор адамдар тобымен қылмыстық құқық бұзушылық жасалғандықтан, полиция ҚР Қылмыстық-процестік кодексінің 24-бабына сәйкес тергеу әрекеттерін жүргізуі керек деп есептейді. Жәбірленушінің ата-анасы да қылмыскерлерді жазалауды көздеп отыр.