Астанада автобус жолдан шығып кетті: 14 адам ауруханаға жеткізілді

Астанада автобус жолдан шығып кетті. Оқиғаға қатысты бейнемазмұн әлеуметтік желілерде таралды. Жол апаты Қабанбай батыр даңғылында болған, деп хабарлайды Orda.kz.

Қалалық денсаулық сақтау басқармасы мәлімдегендей, жалпы 14 адам зардап шекті. Барлығы астананың көпсалалы стационарларына, сондай-ақ Ұлттық жедел медициналық көмек үйлестіру орталығына жеткізілді.

«Қабылдау бөлімінде оларды маман-дәрігерлер тексерді. Содан кейін зардап шеккендердің бір бөлігі амбулаториялық емдеу үшін жіберілді. Қалғандары әлі де тексеруден өтіп жатыр. Негізінен жеңіл соққы мен жарақат алғандар түсті», — деп атап өтті басқарма.