Астанада адам ұрлаған алты шетелдік 8 жылға дейін сотталды

Астанада алты шетелдік азамат адам ұрлау және ақша бопсалау фактілері бойынша сотталды, деп хабарлайды  Orda.kz қалалық прокуратураның баспасөз қызметіне сілтеме жасап.

2024 жылғы 9 желтоқсанда топ мүшелерінің бірі жәбірленушіден «көрсетілген қызмет» үшін ақша талап еткен. Ол ер адамға қоқан-лоқы көрсетіп, күш қолданған. Нәтижесінде жәбірленуші оған 80 мың теңге аударған.

Кейіннен қылмыстық топ жәбірленушіні Астана қаласы аумағынан ұрлап кеткен. Тергеу барысында күдіктілердің алдын ала сөз байласу арқылы, пайдакүнемдік ниетпен әрекет етіп, күш қолданғаны анықталды.

Сот барлық алты адамды кінәлі деп таныды. Олардың бесеуі 8 жылға бас бостандығынан айырылды. Алтыншысы адам ұрлауға көмектескені және өз бетінше әрекет еткені үшін 7 жыл 6 айға сотталды.

Бұған дейін Алматы әуежайында мас шетелдік жанжал шығарып, әйнектерді сындырған болатын. Көліктегі полиция департаментінің мәліметінше, «Алматы – Франкфурт» бағыты бойынша ұшатын рейс жолаушысы мас  болып, әуежайда жанжал шығарған.

Оқи отырыңыз:

• Шетел азаматтығына уәде беріп, жұрттан 900 миллион теңге жинап алған туристік фирманың иесі сотталды
• Алматы әуежайында мас шетелдік жанжал шығарып, әйнектерді сындырды
• Алматыда 4,3 мыңнан астам шетелдік жауапкершілікке тартылды