Астанада 59 жастағы әйел отадан кейін көз жұмды

Ақтаудың 59 жастағы тұрғыны Астанадағы жеке емханада мұрын қалқасын түзету бойынша жоспарланған отадан кейін көз жұмды, деп хабарлайды Orda.kz.

Қайғылы жағдай осы жылдың 3 маусымында болған. Марқұмның ұлының айтуынша, ота кезінде анасының тыныс алуы қиындап, хирургиялық көмек қажет болыпты. 

Оның айтуынша, отаны бұған дейін 22 жастағы қызға риносептопластика жасаған дәрігер жүргізген. Ал ол қыз алты ай жансақтау бөліміне жатып шыққан. Енді марқұмның ұлы дәрігерді кәсіби міндеттерін тиісті деңгейде орындамау дерегі бойынша қылмыстық жауапкершілікке тартуды көздеп отыр. 

Белгілі болғандай, 3 маусымда ота өткізілген кезде емхананың медициналық қызмет көрсетуге лицензиясы болмаған. Емхана мемлекеттік лицензияны тек 2025 жылғы 17 маусымда, яғни науқас қайтыс болғаннан кейін ғана алған.

Айта кетейік, Батыс Қазақстан облысы Теректі ауданындағы мектептердің бірінде оқушы қатарласын пышақтап тастады.