Астана – Шымкент рейсінен мас жолаушы түсірілді

Астана әуежайында Астана – Шымкент бағыты бойынша ұшуға дайындалған рейстен 36 жастағы әйел жолаушы түсірілді, деп хабарлайды Orda.kz.

Көліктегі полиция департаментінің мәліметінше, жолаушы қоғамдық тәртіпті бұзған. Полиция қызметкерлері оқиғаны анықтау барысында әйелдің мас болғаны белгілі болды.

Ведомство хабарлауынша, ол былапыт сөздер айтып, өзін агрессивті ұстап, полиция қызметкерлерінің заңды талаптарына бағынбаған. Осыған байланысты әйелге Әкімшілік құқық бұзушылық туралы кодекстің бірден үш бабы бойынша әкімшілік хаттама толтырылды.

Олар:

• қоғамдық орында мас болып жүру;
• ұсақ бұзақылық;
• полиция қызметкерлерінің заңды талаптарына бағынбау.

Жиналған материалдар сотқа жолданды.

Оқи отырыңыз: 

• Ұшаққа найзағай түсіп, қозғалтқышының бір бөлігі үзіліп кетті
• АҚШ он түн қатарынан Иранға оқ жаудырды: Мұнай бағасы шарықтап кетті