Аслан Қасымбаевтың орнына жаңа басшы тағайындалды

Талғар ауданы әкімі аппаратының басшысы лауазымына Әбдәлімов Нұржан тағайындалды, деп хабарлайды Orda.kz. 

Нұржан Диханбекұлы 1988 жылы 10 маусымда дүниеге келген. Білімі жоғары. Қазақ жол қатынастары университетін кеден ісі мамандығы бойынша бітірген. Сонымен қатар «Қайнар» академиясында құқықтану магистрі дәрежесін алған. 

2023 жылдың сәуірінен бастап бүгінге дейін Талғар ауданы әкімі аппараты мемлекеттік-құқықтық бөлімінің басшысы қызметін атқарған. 

Еске салсақ, бұған дейін Талғар ауданы әкімі аппаратының басшысы болған Қасымбаев Аслан қызметінен босатылған еді.