Әскерде зорлық көргені туралы жалған ақпарат таратып, жылу жиған жігіт қамауға алынды

Полиция желіде жалған ақпарат таратқан 23 жастағы астаналық тұрғынды ұстады, деп хабарлайды Orda.kz. 

ІІМ мәліметінше, 23 ақпанда Threads әлеуметтік желісінде белгісіз аккаунт арқылы бір желі қолданушысы әскерде жүргенінде жыныстық зорлық-зомбылыққа ұшырағанын және қазіргі уақытта қудалаудан қорқатынын мәлімдеген. Ол бір жыл бұрын әскерден оралғанын, бірақ болған сұмдық оқиғаны әлі де ұмыта алмай жүргенін мәлімдеген. Пост авторының сөзінше, командирі оны қорқытып, жыныстық сипаттағы әрекеттерге мәжбүрлеген. Жазбада желі қолданушыларының назарын аударатындай егжей-тегжейлі мәліметтер келтірілген. Ол өзіне шетелге кету қажеттігін жеткізген. Жарияланымда банк реквизиттері қоса көрсетілген. Жиналған қаражатты шетелге шығу үшін жұмсайтынын мәлімдеген. 

Оның айтуынша, хостелде танысқан бұрынғы танысы оған қарызын аудару үшін реквизиттерін сұраған. Сондай-ақ өз есепшоттары бұғатталғанын айтып, басқа аударымдарды қабылдауды өтінген. Бұл заңсыз әрекетке сенген жасөспірім жеке деректерін беруге келіскен. Екі күннің ішінде оның есепшотына 100-ден астам адам ақша жіберіпті.  Жазба авторы ұсталды. Жарияланған ақпарат шындыққа сәйкес келмейтіні анықталды.

Оқи отырыңыз:

• Ормуз бұғазын ашуды талқылау үшін 30 ел бірікті
• Талғардағы атышулы іс бойынша учаскелік инспекторға үкім шықты