Арыстанбек Мұхамедиұлының ісі Астанада қаралады

Елордадағы Байқоңыр ауданының №2 сотында ҚР Ұлттық музейінің бұрынғы басшысы, ҚР Мәдениет және спорт экс-министрі Арыстанбек Мұхамедиұлына қатысты қылмыстық іс қаралады.

«Байқоңыр ауданының №2 сотымен өндіріске қабылданған А.Мұхамедиұлы., А.Ш Нұразхан., А.Т.Садуақасова., А.Қ.Көшеновтің айыптаулары бойынша бюджет қаражатын жымқырды деген айыппен қылмыстық іс қаралуға алынды» делінген сот хабарламасында.

Бұл қылмыстық іс бойынша басты сот талқылауы 2023 жылдың 17 сәуірінде сағат 10:00-ге белгіленді. Сот ашық түрде өтеді.

Еске салсақ, 2022 жылдың мамыр айының соңында Қазақстан Республикасының Сыбайлас жемқорлыққа қарсы іс-қимыл агенттігі Арыстанбек Мұхамедиұлының қамауға алынғаны туралы хабарлаған болатын. Содан бері оның қамауға алу мерзімі бірнеше рет ұзартылды.

Жемқорлық күрескерлері енді Ұлттық музейдің бұрынғы басшылығынан 146 млн теңге ұрлады деп күдіктеніп отыр. Желіде Арыстанбек Мұхамедиұлының үйінде тінту жүргізілгені туралы ақпарат пайда болды. Арыстанбек Мұхамедиұлының өзі ар-ұжданының таза екенін, бұрынғы әріптестерінің қақпан құрып жатқанын айтып, Президентке видео үндеу түсірмекші.