Жасанды интеллект және цифрлық даму вице-министрі жаңарды

Ғиззат Байтұрсынов Қазақстан Республикасының жасанды интеллект және цифрлық даму вице-министрі болып тағайындалды, деп хабарлайды Orda.kz.       

Тиісті қаулыны Қазақстан Үкіметі қабылдады. Ғиззат Байтұрсынов 1994 жылы Шымкент қаласында дүниеге келген. Ол Малайзиядағы Азия-Тынық мұхиты технологиялар және инновациялар университетін, сондай-ақ Д.А.Қонаев атындағы Еуразиялық заң академиясы тәмамдаған.

Еңбек жолын IT саласында және мемлекеттік сатып алулар бағытында бастаған. 2019–2022 жылдары ҚР Цифрлық даму, инновациялар және аэроғарыш өнеркәсібі министрлігі құрамында қызмет атқарып, сарапшыдан электроника саласын дамыту басқармасының басшысына дейін көтерілді.

2022–2024 жылдары электронды өнеркәсіпті дамыту және цифрлық активтер индустриясы департаменті құрылымдық бөлімшелерін басқарды.

2024–2026 жылдары Жасанды интеллект және инновацияларды дамыту комитетінің төрағасы болды. Ал 2026 жылдың наурыз айынан бастап осы тағайындауға дейін Цифрлық активтер және серпінді технологиялар комитетінің төрағасы қызметін атқарған.

Осыған дейін аталған қызметті атқарған Дмитрий Мун лауазымынан босатылды.

Оқи отырыңыз:

• Bloomberg — Ормуз бұғазы арқылы өтетін Иран мұнайы экспорты ең жоғары деңгейге жетті
• Ақтөбе облысында 102 адам мейрамханадағы астан уланып, ауруханаға түсті