Арыста кезекші дәрігер шырт ұйқыда жатқанда 4 жасар бала өліп қала жаздады
Фото: Pixabay
Арыста төрт жасар Әлирахман Сейтханның ата-анасы ұлының кезекші дәрігердің немқұрайлылығы кесірінен жансақтау бөліміне түскенін айтты. Олардың айтуынша, бала аурумен арпалысып жатқанда кезекші дәрігер шырт ұйқыда жатқан, деп хабарлайды Orda.kz.
Арыс тұрғыны Ұлжалғас Жүзейдің мәліметінше, бір апта бұрын оның ұлының қызуы көтерілген. Түнде, шамамен сағат үштерде баланың денесі қатты құрысады. Анасы дереу жедел жәрдем шақырып, баланы ауруханаға әкеледі.
«Біз алты сағат бойы күттік. Ал медбике кезекші дәрігерді оятуға тырысты. Баланың жағдайы нашарлай бастады. Бірақ ешкім ештеңе істемеді. Егер олар бірден көмек көрсетсе, мүмкін ол жансақтау бөліміне түспес еді», — деді науқас баланың анасы.
Ұлжалғас Жүзей оларды медбике қабылдағанын, бірақ үйге қайтарып жібергісі келгенін айтты. Кейін бала кезекші дәрігер ауысқан кезде, яғни таңғы тоғызда ғана қаралады. Осы кезде бала есінен танып қалған. Содан бері ол жансақтау бөлімінде жатыр екен.
Анасының айтуынша, дәрігерлер дәл не болғанын әлі білмейді. Ал ата-ана ауруханада қажетті құрал-жабдықтар жоғын мәлімдеді.
Белгілі болғандай, Арыс ауруханасында МРТ аппараты да, компьютерлік томограф та жоқ. Диагноз қою мүмкін емес. Ал дәрігерлер баланы облыс орталығына апаруға қорқады. Бала жолды көтере алмауы мүмкін.
Аурухананың бас дәрігері Марат Төлегенов Ұлжалғас Жүзейдің айтқанын жоққа шығарды.
«Сол түні бізде 35 науқас болды. «Алты сағат ұйықтап жатқан дәрігер» туралы мәлімдемелер жалған деп санаймын. Кезекшінің айтуынша, ол басқа науқастарды тексерген. Қазір қызметтік тергеу жүргізіліп жатыр», — деді ол.
Айта кетейік, аттың жалына байлап сүйреген Айзаттың өлімін тергеу «кездейсоқ жағдай» деп атады.
Жаңалықтар
- Коллекторлық агенттік бүкіл қазақстандықтардың дерегін заңсыз сақтаған
- Ақтауда мүгедектігі бар 8 жастағы бала терезеден құлап мерт болды
- Дастан Сәтбаев «Қайрат» сапындағы соңғы матчтарын өткізіп, «Челсиге» ауысады
- «Қамшымен сабап, көсеумен ұрған»: Қарағандыда асыранды 6 баланы қорлаған ерлі-зайыпты сотталды
- Ұлттық банк базалық мөлшерлемені 17%-ға дейін төмендетті
- Әл-Фарабидегі қайғылы апат: Күдіктіні құтқармақ болғандардың өзі сотталуы мүмкін
- «Тарлан – Астана»: LRT жүйесінің жаңа атауын мәслихат қолдады
- Қарасай ауданында «Мұғалімдерді мәжбүрлі еңбекке тартты» деген ақпарат расталмады
- Тоқаев бірқатар Конституциялық заңға қол қойды
- Арыстанбек Мұхамедиұлымен байланысы бар 1,3 млрд теңгелік актив «Қазақ энциклопедиясы» мемлекетке қайтарылды
- Эверест шыңында 6 күн жалғыз қалған альпинист өз бетінше жерге түсті
- 5 маусым – Дүниежүзілік қоршаған ортаны қорғау және Экологтар күні
- Путин Ресей жағының Зеленскийдің «құзыреттілігіне» күмән келтіргеніне қарамастан кездесуге дайын
- Жұмыс істеу мерзімі бір ғасыр: Болашақ АЭС еліміздің электр энергиясы сұранысының 20%-ын қамтамасыз етеді
- Cыйақы 36 млн теңгеден асады: Бибісара Асаубаева Norway Chess турнирінде жеңіске жетті
- Қазақстанның 30 елді мекенінде жер сілкінісінің дүмпуі сезілді
- Қырғызстанға 37,2 миллиард теңгенің бензинін заңсыз шығарған қылмыстық топ ұсталды
- Еліміздегі халыққа берілген несиелер көлемі 4,4%-ға қысқарды
- «Домбыра харам» деген ақтөбелік «ұстаз» 3,5 жылға сотталды
- Инвестор құқығын қорғау мен активтерді қайтару бойынша прокуратураның рөлі күшейтілді
