Аралдың құрғаған түбінде дрондар ұшып жүр: теңіз орнына тұқым әуеден себілуде

Қазақстанда Арал теңізінің құрғаған түбін игерудің жаңа тәсілдері сынақтан өтуде. Ғалымдар әуеден тұқым себу мен болашақ жайылымдық жерлер құру жобаларын қатар іске қосқан, деп хабарлайды Orda.kz. 

Бұл жұмыстар президенттің «Таза Қазақстан» бастамасы аясында жүзеге асып жатыр. Жобаны Қазақ орман шаруашылығы және агроорман мелиорациясы ғылыми-зерттеу институты ғылыми тұрғыда сүйемелдейді. Бұл туралы институттың басқарма төрағасы Әлімжан Рахымжанов мәлімдеді.

Оның айтуынша, құрғаған теңіз түбінде фитомелиорацияның жаңа әдістері қолданылып жатыр. Атап айтқанда, қара сексеуіл тұқымын себу үшін арнайы агродрондар пайдаланылады. Түйіршіктелген тұқымдарды әуеден шашу арқылы үлкен аумақтарды қамтуға және қолжетімсіз учаскелерде де орман өсіру жұмыстарын жүргізуге мүмкіндік туған.

«Жаңа Конституцияда экологияға ұқыпты қарау қағидаты қолданылды. Бұл – көгалдандыру, орман өсіруде жаңа технологияларды енгізу. Қазір Экология министрлігі жабық өсіру жүйесінің алты тәлімбағын салуды жоспарлап отыр. Осылайша, біз Қазақстанды көгалдандыру жұмыстары үшін стандартты отырғызу материалымен қамтамасыз ете аламыз. 2026 жылдан бастап біздің ғылыми-зерттеу институты Арал теңізінің құрғаған түбінде болашақта ауыл шаруашылығына жарамды жемшөп, бал, жайылымдық жерлер салу бойынша ғылыми тәжірибелер жүргізіп келеді», — деді Әлімжан Рахымжанов.

Оқи отырыңыз:

• Alatau city-де жер шетелдіктерге жалға беріледі
• Трамп Израильге ескерту жасады. Таяу Шығыста не болып жатыр?
• Бұрынғы шенеунік Жақсылық Омар сотта кінәсін толық мойындады