Ақтөбеде қасқырды шынжырмен өлтірген азамат ұсталды

Ақтөбе облысының полицейлері әлеуметтік желілерді талдау барысында бейнежазбада қасқырды шынжырмен ұрып-соққан ер адамды анықтады.

Polisia.kz дерегі бойынша, Ырғыз ауданы ПБ-нің қызметкерлерімен ауданның 37 жастағы тұрғыны анықталды. Ұсталған адам қасқыр оның малына шабуыл жасамақ болған, ол қасқырды мотоциклімен қуып жетіп, шынжырмен өлтіргенін түсіндірді.

«Ауыл тұрғынына қатысты ҚР ҚК 316-бабы 3-бөлігіне сәйкес Жануарларға қатыгездікпен қарау бойынша сотқа дейінгі тергеу басталды» деп жазылған хабарламада.