Апаттан көз жұмған ұшқыш екі айдан кейін зейнетке шығуы керек еді

Azerbaijan Airlines-тің апатқа ұшыраған ұшақ капитаны Игорь Кшнякин екі айдан кейін зейнетке шығуы керек еді, деп хабарлайды Orda.kz

Ұшақ капитаны Игорь Кшнякин әуеде 15 мың сағаттан астам уақыт өткізді, оның 11,2 мыңға жуығы капитан лауазымында. Марқұм тірі болғанда екі айдан кейін зейнетке шығар еді.

Апатқа ұшыраған Embraer 190 жолаушылар ұшағының капитаны Игорь Кшнякин әуеде 15 мың сағаттан астам уақыт өткізді, оның 11,2 мыңға жуығы капитан лауазымында. Екі айдан кейін Кшнякин зейнетке шығар еді. Бұл туралы капитанның досы Нижат Багиев Report журналистеріне айтты.

Багиев қайғылы оқиғадан бір күн бұрын Игорьмен сөйлескен.

«Біз үш күн бұрын көрістік және Игорь рейстен оралғаннан кейін қайта кездесуді жоспарлаған едік. Ол өте жақсы адам, өте ашық-жарқын болатын. Өз жұмысы жайлы көп айтқанды ұнатпайтын. Екі айдан кейін ол зейнетке шығуы керек еді, бірақ зейнетке шығуды қаламады», дейді Нижат Багиев.

Н. Багиев ұшқыштың денесі Бакуге қашан жеткізілетіні туралы ақпарат жоқ екенін айтты. 

Ақтау маңында апатқа ұшыраған  ұшақ капитандары Игорь Кшнякин мен Александр Калянинов қайтыс болды.