Ақтауда апатқа ұшыраған ұшақтың ұшқыштары белгілі болды

Ақтау маңында апатқа ұшыраған ұшақ ұшқыштарының бірі Баку еуропалық лицейінің түлегі  Александр Калянинов болып шықты, деп хабарлайды Orda.kz.

Ақтау маңында апатқа ұшыраған ұшақ капитандары Игорь Кшнякин мен Александр Калянинов.

Oxu.Az мәліметінше, Александр Калянинов Баку еуропалық лицейінің түлегі. Балалық арманын ұшқыш ретінде жүзеге асырған лицейдің ең жарқын түлектерінің бірі болғандығы атап өтілді. Калянинов оқып жүрген кезде Түркиядан алғыс хат жіберілгені де айтылды.

«Біз оны ақылды, білімді және батыл адам ретінде білдік. Ұшып бара жатқан ұшақ дыбысын естіген сайын Александрды еске аламыз. Оның отбасы мен жақындарына көңіл айтамыз»  делінген мекеменің мәлімдемесінде

Апатқа ұшыраған Embraer 190 жолаушылар ұшағының капитаны Игорь Кшнякин әуеде 15 мың сағаттан астам ұшты, оның 11,2 мыңға жуығы капитан лауазымында. Бұл туралы 25 желтоқсанда Azerbaijan Airlines (AZAL) әуе компаниясының баспасөз қызметі хабарлады.

Апатқа ұшыраған ұшақта екі ұшқыш қаза тауып, үш экипаж қызметкері тірі қалды.

Azerbaijan Airlines-тің Баку-Грозный бағытында ұшып келе жатқан AHY8243 нөмірлі ұшақ Ақтау қаласына құлады. Апатқа ұшыраған ұшақ бортында 67 жолаушы , оның ішінде 5 экипаж мүшесі болған.