Апатқа ұшыраған ұшақтың екі қара жәшігі де табылды

Көлік министрі Марат Қарабаев 25 желтоқсан күні таңертең Ақтау әуежайымен байланысқа шыққан Әзірбайжан ұшағы туралы мәлімет айтты, деп хабарлайды Orda.kz. 

Министрдің айтуынша, Azerbaijan Airlines ұшағын Ақтау әуежайы қабылдауға дайын болған. 

«Әуежайдың авариялық қызметтері ұшақты қабылдауға дайын болды. Экипаж мүшелері Қазақстанның әуе кеңістігіне кіргеннен кейін Ақтау қаласындағы әуежайдың мұнара диспетчерімен байланыс орнатты. Диспетчер әуеайлаққа әуе кемесін қондыру үшін барлық қажетті іс-қимыл көрсетті. Сонымен қатар қонуды жеңілдету және жолақпен визуалды байланыста болу үшін ұшу-қону жолағының шамдары қосылды», - деді ол.

Ұшақтың екі қара жәшігі де табылды.

Өкінішке қарай сағат 11:28-де экипаж мүшесімен байланыс үзіліп, әуе кемесі жерге құлады. Апат болған жерге бірінші болып Ақтау әуежайының құтқару қызметі келіп, борттағы жолаушыларды дереу эвакуациялауға кірісті. 

Еске салайық, апатқа ұшыраған ұшақ 15 желтоқсанда қандай да бір себептермен Бакудегі қосалқы әуежайға қайта қонған.