Ақтау маңында ұшақ құлады

Баку-Грозный бағытында ұшып келе жатқан ұшақ Ақтауға құлады, деп хабарлайды Orda.kz

Azerbaijan Airlines-тің Баку-Грозный бағытында ұшып келе жатқан AHY8243 нөмірлі ұшақ Ақтау қаласына құлады. Baza-ның  хабарлауынша, апатқа ұшыраған ұшақ бортында 67 жолаушы мен бес экипаж мүшесі болған.

15 желтоқсанда аталған ұшақта әуе оқиғасы болып ол қандай да бір себептермен Бакудегі қосалқы әуежайға қонған.

Қазіргі уақытта борттан шұғыл дабыл берілгені белгілі.

Ақтаудағы ұшақ апаты болған жерде жеке құрамның 52 адамы және Қазақстан ТЖМ-ның 11 техникасы жеткізілді. Оқиға орнында жанып жатқан ұшақ табылды. Құтқару бөлімдері өртті сөндіруге кірісті. Қазіргі уақытта зардап шеккендер туралы ақпарат нақтылануда, тірі қалғандар бар екендігі алдын-ала хабарланды.