Апатқа ұшыраған Шавкат Рахмоновтың жұбайы мен ұлының жағдайы белгілі болды

Аралас жекпе-жек шебері Шавкат Рахмоновтың жол апатына ұшыраған жұбайы мен ұлының жағдайы туралы мәлімет жарияланды, деп хабарлайды Orda.kz.

За нами уже выехали Telegram-арнасының мәліметінше, Жамбыл облысының денсаулық сақтау басқармасы зардап шеккендердің қазіргі жағдайына қатысты түсініктеме берді.

«Шавкат Рахмоновтың ұлы мен жұбайына жабық бас-ми жарақаты диагнозы қойылып, олар травматология бөліміне жатқызылды. Қазіргі уақытта жағдайлары орташа ауыр. Емдеу шаралары медициналық хаттамаға сәйкес жүргізіліп жатыр», деп мәлімдеді басқарма.

Еске салайық, Шавкат Рахмоновтың жұбайы Гүлайым Рахмонова Toyota Land Cruiser көлігімен Алматы-Екатеринбург тасжолының 296-шақырымында, Ақсүйек ауылының маңында жол апатына ұшыраған болатын. Апат салдарынан көлікте болған екі жолаушы оқиға орнында қаза тапты.