Антикор Абай Құнанбайұлының 180 жылдығына орай челлендж жолдады

 Антикор Абай Құнанбайұлының 180 жылдығына орай ақынның  өлеңдер мен қара сөздерін оқудан челлендж жолдады, деп хабарлайды Orda.kz.       

Абай Құнанбайұлы — ұлы ақын ғана емес, терең ой иесі, кемеңгер философ. Оның әрбір қара сөзі мен өлең жолдары – рухани ізденістің, адамгершілік пен парасаттылықтың, сондай-ақ қоғамда тәртіпті сақтаудың биік үлгісі, деп жазады сыбайлас жемқорлық күрескерлері.

Челлендж шарттары:

1. Абайдың кез келген өлеңінен (қара сөзінен) үзінді оқу (бейнебаян).
2.  Өз ойыңызбен бөлісу — осы өлең Сізді неге үйретті? (Өз еркіңіз бойынша).
3.  Бейнебаян #Абай180 #Абай180Челлендж #Абай180жыл хештегтерімен жүктеу.
4. Эстафетаны өз еркіңізбен бірнеше мекемеге/ұйымға/әріптестеріңізге жолдау.

Еске салсақ, 2022 жылы елордада  «Абайдың соңғы күндері» атты тарихи-деректі фильмінің алдын ала көрсетілімі өтті. Фильм ұлы ойшылдың өмірінің соңғы 40 күнін баяндайтын туралы Орда жазған болатын.

Биылғы сәуір айында Армениядағы Қазақстанның мәдениет күндері кезінде Ереванда Абай атындағы саябақтың салтанатты ашылуы өтті.

Былтыр 24 қазанда Қасым-Жомарт Тоқаевтың Қазандағы XVI БРИКС саммитіне жұмыс сапары аясында Татарстан астанасындағы Назарбаев көшесінде Абай бюсті ашылды.

Жалпы еліміздің әр өңірінде, әр мекемесінде ұлы ақынның мұрасын дәріптеуге арналған Абай оқулары мен челлендж, эстафеталар қара күзге дейін жалғасып кемеңгердің 180 жылдығына ұласады.