Анасының танысына пышақ сұққан ер адам сотталды

Алматы облысының Еңбекшіқазақ аудандық сотында анасының танысының денсаулығына ауыр зиян келтірген адамға үкім шықты, деп хабарлайды Orda.kz. 

Оқыс жағдай 2023 жылдың желтоқсанында  болған. Сотталушы өз үйінде болған кезде, анасы мен оның танысы жанжалдасқан. Сотталушы мен жәбірленуші арасында ұрыс басталып, арты төбелеске айналған.

Оқиғадан кейін жәбірленуші сыртқа шығып, үйіне қарай бет алған. Бірақ сотталушы оны қуып жетіп, басынан қатты доғал затпен ұрған. Жәбірленуші соққыдан құлап түскенде сотталушы оған пышақ сұққан. Жәбірленуші жан сақтау бөліміне жеткізілген.

Прокурор 4 жылға бас бостандығынан айыру жазасын тағайындауды сұрады.

Сот оны ҚК-нің 106-бабы 1-бөлігі бойынша кінәлі деп танып, оны 3 жылға бас бостандығынан айыруға үкім шығарды.