Алматының арықтары нөсер жаңбырды ағыза алмайды, әкімдік не дейді?

Тұрғындар су басқан көшелерді су жүрмейтін арықтармен байланыстырды, мемлекеттік орган өкілдері каналдардың жұмыс істейтінін атап өтті, деп хабарлайды Orda.kz.      

Алматы тұрғындары жаңбырдан кейін Достық даңғылында жиналып, ақпай қалған суға шағымданып, мұны жабылған арықтардан көрді. Әкімдік нөсер жауғанда су ағатын арықтардың не үшін плиталармен жабылатынын түсіндірді.

Су басқан аумақтың видеосын Threads қолданушылары жариялады. Кейбір пікір жазғандар мәселе арықтардың плиталармен жабылуынан туындауы мүмкін деп болжады.

Кейін бұл жазбаға Медеу ауданы әкімінің аппараты жауап берді. Олар Достық даңғылындағы арық ішінен бояу құтылар табылғанын, сол себепті судың өтуіне кедергі болағанын хабарлады.

Одан кейін қалалық әкімдік те мегаполисте арықтардың неге ішінара жабылатынын түсіндірді.

Бейнероликте олардың Алматының «айқын символы әрі мәдени коды» болып қала беретіні айтылған. Әкімдік мәліметінше, көптеген арықтар іс жүзінде нөсер кәрізі қызметін атқарады. Оларды жаяу жүргіншілер қауіпсіздігі үшін, жол-көлік оқиғалары қаупін азайту, санитарлық жағдайды жақсарту және қызмет көрсетуді жеңілдету мақсатында ішінара жабады.

«Ең бастысы – біз арықтарды толық жауып тастамаймыз. Олар жұмыс істеп тұр, жаңбыр мен еріген қар суын ағады. Біз ескі каналдарды Алматыны қауіпсіздігін қамтамасыз ету мақсатында заманауи инженерлік желіге айналдырып жатырмыз» деп жазылған бейнежазбада. 

Әкімдік сондай-ақ ашық арықтардың кейде бір жарым метрге дейін терең болатынын, ал қатты жаңбыр кезінде жол мен каналдың арасы көрінбей қалуы мүмкін екенін атап өтті. Сонымен қатар олардың мәліметінше, жабық жүйе арықтарды ірі қоқыс пен жапырақтан қорғайды, бірақ қызметі бұрынғыша,  техникалық люктер әр 4–8 метр сайын орнатылады, ал каналдарды 40 метрге дейін «Крот» арнайы қондырғысымен тазалауға болады екен.

Оқи отырыңыз:

• Алматы құрылыс бақылау басқармасы заңсыз лицензия таратқан: Қылмыстық схема әшкере болды
• Көл сарқынды сулар кәрізіне айналды: Алматы әкімдігі апатты су қоймасының тағдыры туралы айтты
• Сайран көлін қалпына келтіру: Алматы әкімдігі мерзімнің неге кешіктірілгенін түсіндірді