Алматылық феминистер ірі көлемде айыппұл төлейді

Алматының әкімшілік соты Feminita қоғамдастығының негізін қалаушы Жанар Секербаеваға қатысты әкімшілік іс бойынша шешім шығарды, деп хабарлайды Orda.kz.

Белсендіге ҚР ӘҚБтК-нің 489-бабының тоғызыншы бөлігі – «Тіркелмеген қоғамдық бірлестіктердің, сондай-ақ уақытша қызметі тоқтатылған немесе тыйым салынған бірлестіктер қызметіне басшылық жасау» бойынша айып тағылды.

Жанар Секербаева кінәлі деп танылды, енді оған 100 АЕК (393,2 мың теңге) көлемінде айыппұл төлеуге тура келеді. Бұған дейін сот Feminitaның екінші құрылтайшысы Гүлзада Сержанға қатысты осындай шешім шығарған.

Екі әйел де екі күн қатарынан (13 және 14 ақпан) сотқа шақырылды, атышулы белсенді Бағила Балтабаева бастаған Қазақстандық ата-аналар одағының өкілдері «Феминита» өткізген Адам құқықтары мектебінің тренингтерін бұзды.

Қазақстандық ата-аналар одағының мүшелері ұйымды ЛГБТ өкілдерін насихаттап, америкалық USAID агенттігінен грант алды деп айыптады. Алғаш рет Бағила Балтабаева полицияға хабарласқанда Гүлзада Сержан мен Жанар Секербаева түсініктеме беру үшін бөлімге барған.

Келесі күні тренингке қатысушылар есіктегі жапқыштарды түсіріп, ата-аналар одағы өкілдерін шараға кіргізбеді. Бірақ Бағила Балтабаева мен оның пікірлестері музыка дауысы қатты шығып тұрған жабық бөлмеге баса-көктеп кірді.  

Ақырында айыппұлды Қазақстандық ата-аналар одағының қатысушылары емес, жиындары бұзылған феминистер төлеуге мәжбүр болады.

2024 жылдың күзінде «Ата-аналар одағы» Алматыдағы «Лесбилер жиынын» ​​бұзуға әрекет жасаған болатын.