Алматыдан 282 шақырым қашықтықта жер сілкінісі тіркелді

Қазақстандық сейсмологтар Қытай аумағында жер сілкінісін тіркеді, деп хабарлайды Orda.kz.

Қазақстан деректер орталығының жедел мәліметіне сәйкес, жер сілкінісі 22 қаңтар күні Астана уақытымен сағат 12:03-те Қытай аумағында болған. Жерасты дүмпулерінің магнитудасы 4,3-ке тең. Карта деректеріне қарағанда, жер сілкінісінің эпицентрі Алматы қаласынан оңтүстік-шығысқа қарай 282 шақырым жерде орналасқан.

Қазақстан аумағында жер сілкінісінің сезілгені туралы мәлімет жоқ.

Еске салайық, 12 қаңтарда Алматы маңында жер сілкінісі тіркелген болатын. Төтенше жағдайлар министрлігінің Сейсмологиялық бақылау және зерттеулер ұлттық ғылыми орталығының хабарлауынша, оның магнитудасы 4,0-ді құраған. Алайда жерасты дүмпулері Қазақстан аумағында сезілмеді.

Оқи отырыңыз:

• Жамбыл облысындағы оқу-жаттығу жиындарынан кейін 22 жас спортшы ауруханаға түсті
• 2025 жылы Қазақстанда 8,7 мыңнан астам еңбек құқығы бұзылды
• Елімізде таңбаланбаған ЖИ-контент үшін айыппұл қарастырылатын болды