Алматыдағы заңсыз салынған «Береке» базары бұзылды

Алматы қаласында Гоголь көшесі, 173 мекенжайында орналасқан «Береке» базары бұзылды. Қалалық қала құрылысы бақылау басқармасының мәліметінше, сауда нысандары қажетті рұқсат құжаттарынсыз салынған, деп хабарлайды Orda.kz.

Мәліметке сәйкес, сауда нысандары қажетті рұқсат құжаттарынсыз салынған. Жоспардан тыс тексеру нәтижесінде меншік иесіне әкімшілік шаралар қолданылып, заңбұзушылықтарды жою туралы нұсқама берілген. Алайда ол талап орындалмағандықтан, нысанды бұзу туралы сотқа талап-арыз берілген.

Қалалық қала құрылысы бақылау басқармасының дерегінше, сот заңсыз салынған құрылыстарды бұзу жөнінде шешім шығарған.

Жоспардан тыс тексеру барысында меншік иесіне заңбұзушылықтарды жою туралы нұсқама берілген. Алайда талаптар орындалмағандықтан, басқарма заңсыз салынған құрылыстарды бұзу туралы арнайы мамандандырылған ауданаралық экономикалық сотқа талап-арыз түсірген.

Сот өз бетінше салынған сауда нысандарын бұзу жөнінде шешім қабылдады. Кейін бұл шешім Әділет департаментіне орындауға жолданған. Әкімдік мәліметінше, сот шешімін орындау мақсатында меншік иесі ғимараттарды өз еркімен бұзған.

Қала архитектурасы және қала құрылысы басқармасы құжаттарына сәйкес, базар орналасқан жер телімі рекреациялық аймақ құру үшін мемлекет қажетіне алу жоспарланған. Оның орнына сквер немесе саябақ салу көзделген.

«Береке» базары Алматы қаласындағы сауда инфрақұрылымын жаңғырту бағдарламасы аясында қайта ұйымдастырылуы жоспарланған 34 базардың тізімінде болған.

Оқи отырыңыз:

• Қалқаман-2 сүріле ме? Тұрғындар өздері шақырған журналистерді талқылауға қатыстыра алмады
• Алматыда қаланың бас жоспары мен тұрғындар мүддесі сай келмей жатыр
• Алматыда 2030 жылға дейінгі қаланың бас жоспарына сай қай жолдар ұзарып, қандай нысандар сүріледі?