Алматыдағы көшеге Денис Теннің аты беріледі

Кезінде Қазақстанның намысын олимпиадада қорғаған Денис Теннің есімі Бостандық ауданындағы жетінші көшеге беріледі, деп хабарлайды Orda.kz.

Қазақстаннан шыққан жалпы мәнерлеп сырғанау бойынша алғашқы жүлделі болған Денис Теннің атына Алматы қаласында көше беріледі. Бұл көше – президент саябағының жоғарғы жағында, Үлкен Алматы өзенінің жанында орналасқан, ұзындығы 800 метр. Қайта атау 2025 жылға арналған жол картасы аясында жүргізіліп жатыр. Бұл құжат Алматыдағы атаусыз 156 көшеге атау беруді қарастырады.

Марқұм Денис Тен — ерлер арасында жеке өнер көрсеткен қазақстандық мәнерлеп сырғанаушы. 2015 жылғы әлем чемпионатында, 2011 жылғы Азия қысқы ойындарында, 2017 жылғы қысқы Универсиадада және Гран-при кезеңдерінде танымал жетістіктерге жетті. Бірнеше мәнерлеп сырғанаушылардың бірі ретінде ол бильман айналымын орындай білген шебер. Өнері ғана емес, ақжарқын болмысымен де көрерменді баурап алған спортшы еді.

2018 жылдың 19 шілдесінде Алматыда белгілі мәнерлеп сырғанаушы Денис Тен бұзақылардың қолынан қаза тапты. Спортшы көлігінің айнасын ұрлап бара жатқан Нұрал Әлішеров пен Арман Құдайбергеноты тоқтатпақ болған. Бірақ оны осы жанжал кезінде пышақтап кетті.

Сот үкімімен Құдайбергенов 20 жылға, Әлішеров 18 жылға бас бостандығынан айырылды. Қылмыс туралы хабарламағаны үшін Жанар Толыбаева 4 жылға сотталды.