Алматыдағы қоқыс тастайтын жердегі өрт тек алтыншы күні ғана бәсеңдеді

Алматы облысындағы қатты тұрмыстық қалдықтар полигонындағы түтінге Алматы тұрғындары бір аптадан бері шағымданып келеді, алайда өртті тек алтыншы күні ғана ауыздықтау мүмкін болды, деп хабарлайды Orda.kz.

Естеріңізге сала кетейік, 15 қыркүйекте Алматы облысындағы қатты тұрмыстық қалдықтар полигонында өрт  шыққан болатын. Кейіннен полигондағы өртті сөндірудің қиындығына байланысты құтқарушылар Терең-Қара өзенінен су алып, автосорғыш  автомобилінің көмегімен суды үздіксіз беруді қамтамасыз ете алды.

16 қыркүйекте Төтенше жағдайлар министрлігі  өртті сөндірудегі қиындықтар туралы мәлімдеді. Өртті сөндіруге 150-ге жуық адам мен 70-тен астам техника тартылды. ТЖД Алматы облысы тұрғындарына ҚТҚ полигонындағы өрт салдарынан туындаған жағдайларға байланысты ұсыныстар берілді.

17 қыркүйекте қатты тұрмыстық қалдықтар полигонындағы жалын біраз бәсеңдетілді.

Біз алматылықтардың өрт салдарынан шыққан күйік иісіне шағымданғандарын жаздық. Әкімдік өрт салдары бойынша жақын маңдағы елді мекендерде ауа санитарлық-эпидемиологиялық мониторингі жүргізілгенін мәлімдеді.