Алматыда жылыту маусымы ертерек басталады

Алматыда ауа райының суып кетуіне байланысты жылыту маусымы әдеттегіден ерте басталады, деп хабарлайды Orda.kz.

Ауа райының суып кетуіне байланысты 8 қазаннан бастап ең алдымен балабақша, мектеп және аурухана сияқты әлеуметтік нысандарға жылу беріледі.

Тұрғын үйлерді орталық жылу жүйесіне қосу 10 қазаннан басталады.

«АлЖЖ» компаниясы жүйені айналым режиміне қосты, бұл қажет болған жағдайда барлық ауданға жылуды тез беруге мүмкіндік береді.

Қала кәсіпорындары қысқы кезеңге дайын. Апаттық қор жасақталған, тәулік бойы 16 жөндеу бригадасы, 220 маман және 56 техника кезекшілік атқарады.

Айта кетейік, Дариға Бадықова күйеуі мен Жылқышыбайдың үстінен арыз жазды.