Алматыдағы атыста қаза тапқан бесінші адамның кім екені айтылды

Алматы қаласы Алатау ауданының тұрғыны үйін босатуды талап етіп келген сот орындаушысы мен екі учаскелік полицейді және жаңа үй иесін аңшы мылтығымен атып өлтірді. Бұған дейін қайтыс болған төрт азаматтың есімдері аталған еді. Бүгін бесінші адамның кім екені анықталды.

Бұл туралы Orda.kz хабарлайды.

Оқиға орнында оққа ұшып мерт болған азамат үйдің жаңа иесі болған Нұрахмет Тұрғановтың досы болып шықты. Ақпаратты Алматы қалалық полиция департаментінің бастығы Қанат Таймерденов айтты.

— Қайтыс болған бесінші адам үйдің жаңа иесінің досы. Ол оқиға орнына куәгер ретінде келген, - деп мәлімдеді Таймерденов брифингте.

Атыстан қаза тапқандар тізімі:

Алатау аудандық ПБ ЖПҚБ учаскелік инспекторы, полиция майоры Дархан Дауылбайұлы Сүлеев, 1982 ж. т;

Алатау аудандық ПБ ЖПҚБ учаскелік инспекторы, полиция капитаны Нұрбол Назарбайұлы Байғазиев, 1988 ж. т;

Жеке сот орындаушы Абенов М;

Жеке кәсіпкер Нұрахмет Тұрғанов пен оның куәгер ретінде келген досы.