Алматыда суррогат ана қытайлықтардан 7,5 млн теңгесін ала алмай жүр: Екі ортада сәби тастанды атанды
Фото: pixabay
Алматыда суррогат ана шала туған баланы алып кетуден бас тартқан қытайлық биологиялық ата-аналардан уәде етілген ақшаны талап етуде. Әйел жаңа туған нәрестені сәбилер үйіне тапсырып, полицияға жүгінген, деп хабарлайды Orda.kz.
КТК арнасының мәліметінше, 27 жастағы Кристина Гаврилюк қытайлық ерлі-зайыптылар үшін бала көтеруге келісіп, бұл қызметі үшін 7,5 миллион теңге алуы тиіс болған. Эмбрион Алматыдағы клиникалардың бірінде салынған. Әйелдің айтуынша, жүктілік кезінде тапсырыс берушілер тұрақты түрде ақша аударып, ай сайын шамамен 200 мың теңге төлеп отырған.
Алайда асқынуларға байланысты бала жетінші айында мерзімінен бұрын дүниеге келген. Осыдан кейін, Гаврилюктің сөзінше, биологиялық ата-аналар шала туған ұл баланы алып кетуден бас тартқан.
Алдымен олар баланың жағдайын тексеру үшін медициналық сараптама жасатуды сұраған. Кейін ДНҚ-тест талап еткен. Тест нәтижесі нәрестенің өздерімен туыстығын растағанымен, көп ұзамай ата-анасы байланысқа шықпай қойған.
Кристина дүкенде сатушы болып жұмыс істейді, алты жастағы қызын тәрбиелеп отыр. Бұған дейін ол екі рет суррогат ана болған, екі жағдайда да келісім сәтті аяқталған. Бұл жолы уәде етілген ақшаны ала алмаған. Босанғаннан кейін әйел баладан ресми түрде бас тартқан.
Гаврилюктің айтуынша, дәрігерлер бастапқыда нәресте «тастанды бала» мәртебесін алуы мүмкін екенін айтқан, кейін ол «бас тартылған бала» ретінде тіркелген.
Биологиялық ата-ана туралы мәлімет аз, олар Қытай азаматтары екені ғана белгілі. Ал қазір олардың қайда екені белгісіз. Эмбрион салынған клиника жағдайға қатысты түсініктеме беруден бас тартты.
Әйел полицияға жүгінгенімен, қылмыстық іс қозғалмаған. Алматы қалалық полиция департаментінің ресми өкілі Салтанат Әзірбектің айтуынша, қылмыстық немесе әкімшілік құқықбұзушылық белгілері анықталмаған. Сондықтан мұндай даулар азаматтық сот тәртібімен қаралуы тиіс.
Заңгерлер әйелге сотқа жүгінуге кеңес беріп отыр. Сондай-ақ ата-аналар шетел азаматтары болғандықтан, Қытай елшілігіне және сыртқы істер министрлігіне өтініш жолдау ұсынылады.
Қазір нәресте сәбилер үйінде жатыр. Дәрігерлер оның жағдайын тұрақты деп бағалап отыр, бала өсіп, салмақ қосып келеді екен.
Оқи отырыңыз:
Жаңалықтар
- Құрылтай: Сайлауалды науқан басталды, партиялар өңірлерге шықты
- Қазақстанның киелі нысандары ЮНЕСКО тізіміне енгізілді
- Әділет министрлігі NCOC-тан мәжбүрлеп өндіру шараларын бастады
- Астанадағы нөсерден кейін көшеден 100-ден аса көлік нөмірі табылды
- АҚШ пен Сауд Арабиясы арасындағы ядролық келісім неге дауға айналды?
- АҚШ пен Ұлыбритания Ормуз бұғазындағы кеме қатынасын қорғау мақсатында халықаралық коалиция құрмақшы
- Өз стадионын Канье Уэстке қалдырып, «Қайрат» Түркістанда ойын көрсетеді
- Өз қарызын жабам деп басқаны қарызға батырған әйел сотталды
- Тамыз айында Қазақстанның бірқатар өңірінде қуаңшылық болады
- Қытай мен Еуроодақ арасында «сауда соғысы» басталды
- Астанадағы әуетакси сынағы: Алғашқы вертипорт қайда салынады?
- «Тек жәбірленушінің жауабымен соттады»: 15 және 25 жылға сотталғандардың туыстары дабыл қақты
- Ұлттық банк базалық мөлшерлемені қайтадан төмендетті — 16,75 %
- АҚШ-тың жаңа кедендік баждары: Қазақстанға қатысы бар ма?
- ІІМ блогерлер мен ақпараттық ресурс иелеріне иелеріне ескерту жасады
- «Алтыналмас» АҚ кен орнында жұмысшы қаза тапты
- ЕО Google компаниясына 890 млн еуро айыппұл салды
- Астанада көкөніс дүкеніне кіріп кеткен көлік 15 жастағы қызды жаралады
- ҚР СІМ серіктес елдерді КҚК-дағы танкерлерге жасалған шабуылдарды айыптауға шақырды
- 15 минуттық жаңбыр Астананы Венецияға айналдырды
