Алматыда самокат мінген 2 қызды автобус қағып кетті

Алматы қаласы Алмалы ауданында автобус жүргізушісі жаяу жүргіншілер өткелімен өтіп бара жатқан самокат мінген екі қызды қағып кетті, деп хабарлайды Orda.kz. 

«Фотон» маркалы автобус жүргізушісі Мақатаев көшесімен шығыс бағытта келе жатып, Уәлиханов көшесімен жаяу жүргіншілер жолы арқылы солтүстікке қарай жүріп бара жатқан самокат мінген екі қызды қағып кетті. 

Алматының полиция департаменті жағдайды Алмалы аудандық полиция басқармасының қызметкерлері зерделейтінін айтты. 

Еске салайық, Алматы облысында екі әйел 16 жастағы қызды алдап әкетіп, ұрып-соғып қорлады. Күдіктілер қазір ұсталған. Олардың үстінен қылмыстық іс қозғалды.