«Әкімдікте істейді»: Алматы облысында 16 жастағы қызды қорлаған екі әйел ұсталды

Алматы облысында екі әйел 16 жастағы қызды алдап әкетіп, ұрып-соғып қорлады. Күдіктілер қазір ұсталған. Олардың үстінен қылмыстық іс қозғалды, деп хабарлайды Orda.kz.

Алматы облысында 16 тамызда 16 жастағы қызды 1996 жылы туған екі әйел ұрлап, азаптағаны белгілі болды.

Еске салар болсақ, күдіктілердің бірінің Масақ ауылдық округі әкімі аппаратында қызмет істегені анықталды.

Олар жасөспірімді ұрып-соғып, темекімен күйдіріп, өзенге батырып, зорлық-зомбылық көрсеткен. Барлық әрекеттерін бейнежазбаға түсіріп, артынша бейнежабаны таратамыз деп қорқытып, 3 миллион теңге талап еткен.

«Олар қызды ұрып-соғып, денесін темекімен күйдіріп, өзенге батырып, жыныстық сипаттағы зорлық-зомбылық әрекеттер жасаған. Қол-аяғын сүюге мәжбүрлеген, сөйтіп мұның бәрін бейнежазбаға түсірген. Кейін осы бейнежазбаларды айтып бопсалап, үш миллион теңге талап еткен. Олардың біреуі қыздың жігітіне жазғанын білген. Қыз университет жайлы сұрамақ болған. Сөйтіп оған сол жігіттің нөмірін берген. Ал әйел қызғанған» деп жазды Дина Таңсәрі.

Облыстық полиция департаменті қылмыстың болғанын растап, қылмыстық іс қозғалғанын мәлімдеді.