Алматыда оқушы мектепке балта көтеріп келіп, оны адамдарға қарсы қолданбақ болған

Алматыда қыз бала мектепке қолына балта көтеріп келген және оны басқа оқушыларға қарсы қолданбақ болған, деп хабарлайды Orda.kz.

Оқиға Жетісу ауданында болған. Қызға желіде білім ордасына суық қару алып келу туралы нұсқау берілген. Десе де оның әрекеті іске аспаған. Полиция дер кезінде қызды тоқтатып үлгерген. 

«Аталған факті бойынша Жетісу аудандық полиция басқармасы сотқа дейінгі тергеу амалдарын жүргізіп жатыр. Кәмелетке толмаған қыз әлеуметтік желілер арқылы алған нұсқаулардың ықпалымен әрекет етіп, заң бұзуға баруды жоспарлағаны анықталды. Полиция қызметкерлерінің дер кезінде қабылдаған шараларының арқасында заңсыз әрекеттің жолы кесіліп, оған жол берілмеді», деп жауап берді полиция департаменті.

Департамент тергеу аясында болған оқиғаның барлық мән-жайы, оның ішінде жасөспірімді заңсыз әрекетке тартуға қатысы бар адамдар анықталып жатқанын мәлімдеді. Кәмелетке толмаған қыздың заңды өкілдеріне қатысты тәрбие бойынша міндеттерін тиісінше орындамау фактісі бойынша сотқа дейінгі тергеу басталды.

Оқи отырыңыз:

• Астанада автобуста жолаушы ана мен балаға тап беріп, балағаттады
• 52 адамның пойызда уланғанына байланысты көлік министрі жаңа ақпарат берді
• Талдықорғандағы жеке ауруханда бала екінші қабаттан құлап, ота жасалды