Алматыда метроның жаңа бекетіне дейінгі тоннель қазу жұмыстары аяқталды

Алматыда әлі де салынып жатқан метро желісіндегі маңызды кезең аяқталды. «Бауыржан Момышұлы» мен жаңа «Қалқаман» бекеттерін қосатын оң бағыттағы 1 593 метрлік тоннельді қазу жұмыстары толық бітті, деп хабарлайды Orda.kz.

Жол-көлік инфрақұрылымын дамыту басқармасы хабарлағандай, қазіргі уақытта тоннельде тұтас табанды теміржол технологиясы бойынша төсеу жұмыстары жүргізілуде. Сол бағыттағы тоннельде рельстер мен байланыс рельстері орнатылып, барлық инженерлік желілер құрылған.

«Қалқаман» бекеті ғимаратының құрылысы аяқталып, қазір ішкі әрлеу жұмыстары жүріп жатыр. Пайдалануға берілген соң метроның жолаушыларға қызмет көрсету көлемі айтарлықтай артады.

Оқи отырыңыз:

• Судья Светлана Жолманова тағы қылмыстық іс арқалады
• Украина астанасында Жамбыл Жабаевтың ескерткішін құлата ма?