Алматыда мектеп оқушылары түтіннен уланып, ауруханаға түсті

Алматыдағы мектептердің бірінде мәдени іс-шара кезінде генератордан шыққан түтінге 6 оқушы уланып, ауруханаға түсті, деп хабарлайды Orda.kz.

Іс-шарада оқушылардың көзі жасаурап, жөтел қысқан. Білім бөлімінің мәліметінше, 12 жастағы 6 бала ауруханаға түскен.

«Балаларды медицина қызметкері қарап шықты, жедел жәрдем шақырылды. Алматы қаласының Балаларға арналған шұғыл медициналық көмек орталығына 12 жастағы 6 бала түтіннен улану белгілерімен келіп түсті. Барлық балалар профильдік токсикология бөліміне жатқызылды. Жағдайлары орташа ауыр, тұрақты. Қазіргі уақытта толық көлемде ем қабылдап жатыр», деп хабарлады Алматы қаласы білім басқармасы.

Қазір оқиғаға байланысты тергеу амалдары жүріп, аталмыш жабдықты пайдалануға рұқсат берген педагог жауапқа тартылды. Сондай-ақ, Ұлттық сараптама орталығы мамандары ауа сынамаларына зертханалық зерттеу жүргізді.

Оқи отырыңыздар:

• Павлодарда мектеп комиссиясы мемлекеттік рәміздерді өртеген бейнежазба тарады
• Бакуде ресторанды өртеп, келген қонақтарды ғимарат ішіне қамап қойған
• Шымкентте пәтерлердің бірінен 3 адамның денесі табылды