Алматыда көктемнің басынан бері 200-ге жуық адамды кене шақты

Көктемнің басынан бері бір ғана Алматының өзінде 186 адамды кене шақты, деп хабарлайды Orda.kz. 

Кене шаққан 89 адам — 14 жасқа дейінгі балалар. Олар шұғыл медициналық көмек алды. Кенелердің 60%-дан астамы Алматы облысында, әсіресе таулы аймақтарда шаққаны тіркелген. Бұл туралы қалалық санитарлық-эпидемиологиялық бақылау департаментінің инфекциялық және паразиттік ауруларды бақылау бөлімінің басшысы Алмаш Ахметова айтты. 

Ол кене шаққаннан кейін көмек сұрағандардың ішінен алматылықтардың 60 % - дан астамы Алматы облысының аумағында тұратынын мәлімдеді. 

Өткен жылы кене арқылы жұққан, ми жүйкелерін құртатын энцефалиттің үш жағдайы, сондай-ақ кене боррелиозының бір жағдайы тіркелді.

Алмаш Ахметованың айтуынша, қала ішінде кене шағудың алдын алу мақсатында өңдеу жұмыстары жүргізіліп жатыр. Бірақ өңдеу тек қалада жүргізіледі екен. Жеке аумақтардың иелері осы қызмет түрін алу үшін билікке өздері жүгінуі керек. 

Айта кетейік, Қытайда «қызғылт сары» ескерту жарияланды. Жүздеген рейстер тоқтап, мәдени көрікті орындар жабылды.