Қытайда «қызғылт сары» ескерту жарияланды: жүздеген рейстер тоқтап, мәдени көрікті орындар жабылды

Қатты жел, құмды және қар араласқан дауылға байланысты ҚХР ұлттық метеорологиялық орталығы13 сәуірде бірқатар ескерту жариялады, деп хабарлайды Orda.kz BBC-ге сілтеме жасай отырып.

12 сәуір қарсаңында Бейжің мен солтүстік Қытайға келген дауыл салдарынан ел Астанасының екі ірі әуежайында 838 рейс тоқтатылды. Пойыз қозғалысы да тоқтады.

Дауылды жел - сағатына 93 миль (150 шқ/сағ) жылдамдықпен үйлердің шатырын жұлып, ағаштарды сындырады. Мәдени көрікті және тарихи орындар жабылды.

Бохай шығанағы, Сары және Шығыс Қытай теңіздерінің кейбір аудандарында 13 балға дейінгі дауыл болады деген болжам бар.

ҰМО деректері бойынша Ішкі Моңғолия өңірі мен Цзилинь провинциясында 20-дан 28 мм-ге дейін жауын-шашын жаумақ.

Қытайда төрт деңгейлі ауа райы туралы ескерту жүйесі бар: қызыл - ең жоғары деңгей, одан кейін қызғылт сары, сары және көк.

Бұған дейін олар БАҚ арқылы халықтан, әсіресе салмағы 50 келіден аз адамдардан мүмкіндігінше үйден шықпауды өтініп,  оларды қатты жел ұшырып кетуі мүмкін екенін жазды.