Алматыда итін темір тұғырға байлап, екі аяғынан тік тұрғызып қойған ер адам жазаланды

Алматыда итін темір тұғырға байлап, екі аяғынан тік тұрғызып қойған ер адам жазаланды, деп хабарлайды Orda.kz.

Әлеуметтік желіде осы оқиғаның бейнежазбасы тарап кетті. Куәгерлердің айтуынша, ол итін байлап, өзі жаттығумен айналысуға кеткен. Асылып тұрған тазы ауырсынып, қыңсылаған. Оқиға 20 шілдеде Әл-Фараби даңғылындағы Есентай өзені маңындағы балалар алаңында болған.

Иттің иесі оның қыңсылағанына мән бермей, әрі қарай өз ісін жалғастырған. Ақыры куәгерлердің шағымынан кейін, ол итін босатып алып кеткен. Десе де шағымданған куәгерлерге ит иесі қоқан-лоқы көрсетіп, оларға анайы сөздер айтқан. Көп ұзамай оқиға орнына полиция қызметкерлері келді.

«Тергеу қорытындысы бойынша ер адамға қатысты заңнамаға сәйкес шаралар қабылданды. Ол әкімшілік жауапкершілікке тартылды», деп жауап берді Медеу аудандық ПД. 

Еске сала кетейік, Атыраудағы ерлі-зайыптылар қаза болған жарылыстан соң, жанармай бекетінің директоры ұсталды.