Алматыда екі автобус соқтығысты, жарақат алғандар бар

Полиция департаментінің мәліметінше, жол-көлік оқиғасы бүгін шамамен сағат 12:00-де Әуезов ауданында болған, деп хабарлайды Orda.kz.      

Хабарланғандай №15 автобус Сүлейменов көшесімен солтүстік бағытта келе жатып, Жандосов көшесіне солға бұрылып, жаяу жүргіншілерді өткізіп тұрған №66 автобуспен соқтығысқан.

Апат салдарынан бірнеше жолаушы медициналық көмекке жүгінді.

Оқиғаның мән-жайы анықталуда.

 Еске салсақ, биылғы наурызда Алматы облысында жолаушылар автобусының пойызбен соқтығысуы салдарынан алты адам зардап шеккен болатын.  Оқиға 2026 жылғы 30 наурызда Алматы – Боралдай – Шамалған станциясы автожолындағы теміржол өткелінде болған.

Алматы облысы полиция департаментінің алдын ала мәліметінше, көмір тиеп станциядан шыққан пойыз өткелден өтіп бара жатқан, алайда маршруттық автобустың жүргізушісі оған жол бермеген.

Оқи отырыңыз:

• Алматы облысында автобус пойызбен соқтығысты: зардап шеккендердің жағдайы қандай?
• Құлжа күре жолында бірден бес көлік соқтығысты
• Алматының Медеу ауданында жеңіл көлік пен автобус соқтығысты