Алматыда биыл 105 лифт ауыстырылады

Алматыда 2026 жылы көппәтерлі тұрғын үйлердегі 105 жеделсатыны ауыстыру жоспарланып отыр, деп хабарлайды Orda.kz.

Бұл туралы қалалық коммуналдық инфрақұрылым және тұрғын үй инспекциясы басқармасы хабарлады.

Жаңартылатын жеделсатылардың 47-сі 25 жылдан астам уақыт пайдаланылған. Ал тағы 58-і техникалық жағдайына байланысты күрделі жөндеуді қажет етеді. Жоба 2023–2029 жылдарға арналған тұрғын үй-коммуналдық инфрақұрылымды дамыту тұжырымдамасы аясында жүзеге асырылып жатыр.

Қазіргі таңда Алматыда 14,5 мыңға жуық жеделсаты жұмыс істейді. Оның ішінде 8,4 мыңнан астамы 2 671 көппәтерлі тұрғын үйде орнатылған.

Басқарма мәліметінше, тұрғындардың қауіпсіздігін қамтамасыз ету үшін жеделсатылардың тозу деңгейін ескере отырып, қалада жыл сайын кемінде 150 жеделсатыны жаңарту қажет.

Оқи отырыңыз:

Цифрлық майнинг: 2 млрд теңгенің заңсыз криптовалюта операциясы немен аяқталды?

9 ай бойы дұрыс емдемеген: БҚО-дағы аурухана қайтыс болған науқастың отбасына өтемақы төленеді