Алматыда бірнеше көлік пен жолаушылар автобусы апатқа ұшырады

Алматыдағы Сайын көшесінде бірнеше жеңіл көлік пен жолаушылар автобусы соғылды,  деп хабарлады Orda.kz. 

Жол апаты кеше, 7 желтоқсан күні сағат 23.10-да болған. Алматы қалалық полиция департаментінің мәліметінше, оңтүстік бағытқа қарай қозғалып келе жатқан Škoda маркалы көліктің жүргізушісі арақашықтықты сақтамай, алдында келе жатқан Chevrolet автокөлігіне соқтығысқан. Соққы әсерінен Chevrolet аялдамада жолаушыларды түсіріп-мінгізіп тұрған автобусқа барып соғылған. 

Сонымен қатар, соққыдан кейін Škoda бағытын жоғалтып, сол жолақпен қатар жүріп келе жатқан Volvo көлігімен соқтығысқан. 

Қазір оқиғаның мән-жайы анықталып жатыр.

Апат салдарынан 2009 жылы туған Škoda жолаушысы зардап шекті. Жасөспірім қаладағы балалар ауруханаларының біріне жеткізілді.

Айта кетейік, Ақтөбеде бөтен көлікке мінген 16 жастағы жасөспірімнің денесі көлден табылды.