Алматыда Бауыржан Байбекке қарсы пикет өтті
Бүгін, 4 наурыз Алматыдағы Тәуелсіздік монументі алдына бірнеше адам жиналды. Онда үш пикет өтті. Адамдар саяси тұтқындарды босатып, депутаттар жалақысын 42 500 теңгеге дейін түсіріп, экс-әкім Бауыржан Байбекті сотқа тартсын деді. Бұл туралы Азаттық хабарлады.
Пикетке 2020 жылдан бері саяси тұтқындарды босатуды талап еткен белсенді Дариға Рақым да орталық алаңға плакатпен келген.
— Мен елдегі барлық саяси тұтқындарды босатуды талап етемін. Егер қателеспесем, сондай 27 адам бар. Арон Атабек, Алмат Жұмағұлов, Кенжебек Әбішев, Әсет Әбішев, Ержан Елшібаев, Шухрат Кибиров және жас белсенділер. Қазір билік азаматтық белсенділерді қудалауды күшейтті. Азаматтық белсенділердің көксегені не? Олар билік құқықтарын құрметтесе дейді, Конституциямен кепілдендірілген бостандықтың шектелмегенін қалайды. Биліктің ауысқанын, даму болғанын қалайды. Біз бай елміз. Жер қойнауымыз ресурстарға бай. Ендеше неге біз дамыған елдердің қатарында емеспіз?, деді ол.
Оның артынан «42 500 теңге» деген жазуымен Алматы тұрғыны Асқар Исатай алаңға шықты. Оған әкімшілік тарапынан пикеттің «заңсыз» екені ескертілді.
— Сенаторлар мен депутаттардың айлығы 42 500 теңге болуы керек. Қазір олар кем дегенде 600-700 мың теңге айлық алады. Олардың бұған қоса, хатшысы, көмекшісі бар. Екеуі де айлық алады. Қызметтік көліктері, кабинеті бар. Байланыс, шипажай деп тізбектеп айта берсе болады. Шамалауымша, бір депутатқа кемінде бір ай ішінде 2-3 млн теңге кетеді. Олардың жұмысы ондай ақшаға тұрмайды деп санаймын. Тіпті 200-500 мыңға да тұрмайды. Депутаттар мен сенаторлар 42,5 мың теңгелік айлыққа көшсін. Мұндай ақшаны қазір көп балалы аналар, мүгедектер, тұрақты жұмысы жоқ адамдар алып жатыр, деді Асқар Исатай.
Асқардың артынан пикетке белсенді Абай Ерекенов келді. Ол «Байбекті сотқа тарту керек» деген жазуы бар плакат көтерген. Ол бұрынғы қала әкімін жемқорлыққа қатысты тергеп, соттау керектігін айтты.
— Енді қазір қаланы дамытудың бас жоспары деп сол «жемқорлық істерді» заңдастырғысы келеді. Байбек қоғамдық тыңдаусыз, қоғамдық талқылаусыз, адамдарға ақпарат бермей, мәслихат шешімінсіз, министрлер кабинетінің шешімінсіз өз бетінше бірқатар қаулыларға қол қойды. Іс жүзінде Байбек тұсында Алматыда жаппай заңсыз құрылыс басталды, деді Ерекенов.
Жаңалықтар
- Грузия парламентінде шетелдік агенттер туралы заңға қатысты төбелес болды
- Оңтүстік Корея Қазақстанның ұшқышсыз ұшақтар шығаратын орталыққа айналуына көмектеседі
- Шымкент мешіттерінің біріндегі намаз төбелеске ұласты
- Жыл басынан бері Қазақстанға төрт миллионнан астам шетелдік келген
- Қазақстан шетелдіктер үшін жаңа виза енгізбекші
- Бишімбаев үкімге шағымданады
- Жоғарғы сот депутат Дәулет Тұрлыхановтың ұлын жазалады
- Шымкентте 11-сынып оқушысы өз-өзіне қол жұмсады
- Алматыда автобус жүргізушісіне пышақпен шабуыл жасалды
- Қарағанды облысында шенеуніктер балалар жатақханасын иемденіп алған
- Жоғарғы сот депутат Тұрлыхановтың ұлының үкімін қайта қарайды
- Санкт-Петерборда суға батып кеткен автобустан адамдарды құтқаруға атсалысқан қазақстандық азамат марапатталды
- Қостанайда кәріз құдықтарының қақпақтарын ұрлағандар ұсталды
- Қызыл кітапқа енген қарақұйрықты атқан браконьер сотталды
- «Атамекен» Кәсіпкерлер палатасының бұрынғы басшысы Абылай Мырзахметов алаяқтық жасағаны үшін бес жылға сотталды
- Өскеменде айғақтарды бұрмалаған полицей сотталды
- Бішкек шенеуніктері автобуспен жүретін болады
- Атырау облысы, Талдыкөл ауылында халықты эвакуациялау басталды
- Кеңсе пышағымен адам бауыздамақшы болды: сот үкім шығарды
- Павлодар облысында педофил ұзақ мерзімге бас бостандығынан айырылды