Алматыда әйел әлеуметтік қызметкердің атын жамылып, қарттарды тонап кеткен

Алматы полицейлері өзін әлеуметтік қызметкермін деп таныстырған 62 жастағы алаяқты ұстады.

Ол азық-түлік жеткізуге көмектесуді және қарттарды күтуді ұсынады. Оның «қамқорлығындағылардың» бірі полицияға арыз жазғанша ол туралы ешкім білмеген, деп жазады Polisia.kz.

— Ақшаны алу механизмі қарапайым: әйел өзін әлеуметтік қызметкер ретінде таныстырып, азық-түлік дүкеніне баруды ұсынып, зейнеткерден ақшаны бірнеше рет айырбастауды сұрап, жинақтың қайда сақталғанын байқап, қолайлы сәтте 3 миллион теңгені ұрлап кеткен. Күдікті қазір қамауда. Ұрланған ақшаның бір бөлігі тәркіленді, - дейді Бостандық аудандық полиция бөлімінің бастығы Мақсат Қанапяев.

Күдіктінің осындай қылмыстары үшін бірнеше рет қылмыстық жауапкершілікке тартылғаны анықталды. Аталған факті бойынша сотқа дейінгі тергеу басталды.