Алматыда 3 мың адам несиесін кешіру жөнінде өтініш түсірді
Алматыда Қаржы нарығын реттеу және дамыту агенттігінің ғимаратына жиналып, өтеуі қиындаған несие алушылардан екі күнде 3 мың өтініш келіп түскен. Өтініштерде несие алған мерзімі, қаржы ұйымы және несие сомасы туралы мәлімет көрсетілген. Ресми ақпаратқа қарағанда, екінші деңгейлі банктер мен шағын қаржы ұйымдарына жолданады.
Агенттік баспасөз қызметі маманы Зарина Жақыпова редакция тілшісіне бірер күнде несиесін төлеуде қиналып жүрген 3 мыңға тарта адам өтініш түсіргенін хабарлады.
Сонымен қоса, баспасөз хатшысы Гүлмира Арбабаеваның Vlast интернет-басылымына берген пікірінше, барлық өтініштер «қаржы нарығының субъектілеріне қарауға жолданады». Проблемалы несиенің жай-жапсары, байланыс деректері көрсетілген өтініштен әзірге нәтиже болар-болмасы белгісіз.
Арбабаева «несие рақымшылығы» туралы хабардың жалған екенін айтты. Оның сөзінше, Жанболат Мамай мемлекет несиені кешіріп жатыр деген соң адамдар көптеп келе бастаған. «Олар әуелі қарыз алған банкіне баруы керек» дейді өкіл.
Бүгін күндіз жүздеген азамат Алматыдағы агенттік алдына жиналып, шатыр тігіп, несие амнистиясын талап еткен. Тіркелмеген Демпартия жетекшісі Жанболат Мамай Facebook желісінде ипотекалық несиесі кешірілді делінген әйелмен сұхбатынан кейін рақымшылық туралы хабар көптеп тарай бастаған. Оқиға орнын полияция бақылауға алды. Арнайы үлгіде бланкі толтырып, еш мөр я тіркеусіз өтінішін өткізді. Алғашында 50 шақты адамның өтінішін мөрлеп қабылдаған агенттік жиналғандарды бірер сағат күттіріп қойды. Тек сағат 12.30-дан аса көпшіліктің жүздеген қағазын мөрсіз жаппай жинап алды.
Бейсенбіде агенттік Мамайды «жеке саяси мақсаты үшін» жалған мәлімет таратты деп айыптау мәнінде мәлімдеме жасады. Саясаткер бұған жауап ретінде ведомство басшылығымен бірнеше рет кездескенін айтады. Нәтижесінде кейбір несие алушының графигі жеңілдетіліп, кейбірінің есеп шотына қойылған бұғаты алынып тасталған. Мамай мұны биліктің халық мәселесін шешуге ықлассыздығының көрінісі деп есептейді.
Жаңалықтар
- Шымкентте ірі есірткі зертханасы анықталды
- 2025 жылдың 1 қаңтарында кімдердің зейнетақысы өседі?
- Қарағанды облысында 7 мыңнан астам сайттар бұғатталды
- «87 мың теңге»: Қазақстандықтар Республика күніне орай біржолғы төлемдер алады
- P. Diddy-дің балалары сот алдында әкесін қорғады
- Шымкентте ұрылар үй иесінің көзінше қылмыс жасады
- «Қаза болғандар бар»: Өлімге әкелетін улы бактериялар тарап жатыр
- Атырауда 23 жастағы бойжеткен қаза болды
- Тәліптердің Алматыға неге қару әкелгенін премьер-министрдің орынбасары айтып берді
- Петропавлда әйелін ұрған ер адам сотталды
- Қазақстанның бірнеше өңірі уақытты екі сағатқа алға жылжытуды ұсынып отыр
- Заңсыз қарумен қоқан-лоққы жасаған депутат ұсталды
- «Әділдік үшін күрес»: Анасы өзін қорғап, ұлын құтқарғаны үшін сегіз жылға сотталды
- ШҚО-дағы ең ұзын көпірге қанша камера орнатылған?
- Шымкентте есепші жымқырған ақшаны мұғалімдер қайтаруға мәжбүр
- Жүздеген қазақстандықтарды кім ақшасыз қалдырды және неге бұл үшін ешкім жазаланбайды
- Ресейдің Қазақстанға шектеу қойғанында тұрған ештеңе жоқ — вице-премьер Серік Жұманғарин
- Қанды Қаңтарда істі болған Тотыбаев Талғар маңындағы жасөспірім өліміне қандай қатысы бар?
- Талғардағы қашып кеткен қылмыскердің өз жиенін зорлағаны белгілі болды
- Қазақстанның астық экспорты 12 млн тоннаға ұлғайды